ພັກປະຊາຊົນປະຕິວັດລາວຜູ້ຈັດຕັ້ງນຳພາທຸງໄຊຊະນະຂອງການປະຕິວັດ
ສະຫາຍ ພົນຕີ ວໍລະສານ ວິລັດດາວົງ ກຳມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ ໃຫ້ທັດສະນະ
ເນື່ອງໃນໂອກາດວັນສ້າງຕັ້ງພັກປະຊາຊົນປະຕິ ວັດລາວຄົບຮອບ 68 ປີວ່າ: ຊາດລາວເປັນຊາດໜຶ່ງທີ່ມີປະຫວັດສາດອັນຍືດເຍື້ອຍາວນານຫຼາຍພັນປີ, ຄົນ
ລາວມີນ້ຳໃຈຮັກຊາດພິລະອາດຫານ, ມີຄວາມສາມັກຄີປອງດອງ, ດຸໝັ່ນໃນການທຳມາຫາກິນ, ມີຄວາມເດັດດ່ຽວຕໍ່ສູ້ບໍ່ຍອມຈຳນົນກັບການແຊກແຊງ
ຮຸກຮານຈາກພວກລ່າເມືອງຂຶ້ນແບບເກົ່າ ແລະ ແບບໃໝ່ເພື່ອປົກປ້ອງບ້ານເກີດເມືອງນອນຕະຫຼອດມາ. ໂດຍສືບທອດພາລະກິດຂອງພັກຄອມມູນິດອິນ
ດູຈີນ ພັກເຮົາໄດ້ຮັບການກໍ່ຕັ້ງຂຶ້ນໃນວັນທີ 22 ມີນາ 1955 ໂດຍມີປະທານ ໄກສອນ ພົມວິຫານ ເປັນແກນນຳ. ເມື່ອຫວນຄືນຫຼັງ 68 ປີ ພັກເຮົາ
ໄດ້ເດີນ ຕາມເສັ້ນທາງປະຕິວັດ, ປະທານ ໄກສອນ ພົມວິຫານ ເປັນແກນນຳ ນຳພາປົດປ່ອຍປະເທດຊາດ ນຳເອົາຜືນແຜ່ນດິນອັນຄົບຖ້ວນ, ຄວາມເປັນ
ເອກະລາດ ແຫ່ງຊາດ ມາສູ່ປະຊາຊົນບັນດາເຜົ່າໃນທົ່ວປະເທດ.
ສິ່ງເຫຼົ່ານີ້,ຢັ້ງຢືນເຖິງອຸດົມການອັນແນ່ວແນ່, ໄຫວພິບອັນລ້ຳເລີດຂອງ ປະທານ ໄກສອນ ພົມວິຫານ ກໍຄືຂອງພັກທີ່ໄດ້ນຳພາ.ຕະຫຼອດມາ. ປະເທດຊາດ ບໍ່ວ່າຈະຢູ່ໃນສະຖານະການຫຍຸ້ງຍາກສັບສົນຢ່າງໃດກໍ່ຕາມ, ພັກເຮົາກໍ່ໄດ້ນຳພາຢ່າງເດັດດ່ຽວເດີນຕາມອຸດົມການສູ່ຈຸດໝາຍສັງຄົມນິຍົມ, ສາມາດປົກປັກ ຮັກສາໝາກຜົນຂອງການປະຕິວັດ. ສຳລັບຄະນະພັກກະຊວງປ້ອງກັນປະເທດ, ກົມໃຫຍ່ການເມືອງກອງທັບ ເວລາໃດກໍຍຶດໝັ້ນແນວທາງຂອງພັກ, ໂດຍ ກົງ, ຮອບດ້ານຕໍ່ກຳລັງປ້ອງກັນຊາດ, ເອົາໃຈໃສ່ສຶກສາອົບຮົມປຸກລະດົມນຳພາແນວຄິດໃຫ້ຖັນແຖວ ພະນັກງານ-ສະມາຊິກພັກ-ຕະ ຫຼອດຮອດນັກຮົບພາຍ ໃຕ້ການນຳພາຂອງພັກ ຍຶດໝັ້ນອຸດົມການປະຕິວັດກ້າວສູ່ສັງຄົມນິຍົມ, ໃຫ້ສົມກັບເປັນກຳ ລັງອັນແຫຼມຄົມທີ່ໄວ້ເນື້ອເຊື່ອໃຈຂອງພັກ-ຂອງປະ ຊາຊົນບັນ ດາເຜົ່າ, ຮັກສາ ແລະ ເສີມຂະຫຍາຍທາດແທ້ມູນເຊື້ອປະຕິວັດໂດຍການຈັດຕັ້ງອົບຮົມ-ຫັດແອບການເມືອງ-ການທະຫານ-ວິຊາ ສະເພາະເຫຼົ່າຮົບທັງ 3 ດ້ານໄປພ້ອມໆກັນ, ມີຄວາມຊຳນິຊຳນານໃນການນຳໃຊ້ພາຫະນະອຸປະກອນທີ່ທັນສະໄໝ, ກຽມພ້ອມສູ້ຮົບໃນທຸກສະຖານະການ, ຈັດຕັ້ງຫັນສູ່ການກໍ່ສ້າງ ຮາກຖານການເມືອງເຮັດໃຫ້ຮາກຖານມີຄວາມສະຫງົບ, ສ້າງເງື່ອນໄຂໃຫ້ປະເທດຊາດໄດ້ຮັບການພັດທະນາ, ມີການຫັນປ່ຽນ ຕາມຍຸກສະໄໝ, ຖືສຳຄັນ ໃນການກໍ່ສ້າງພັກ-ກໍ່ສ້າງພະນັກງານ, ສະເພາະແມ່ນການສຸມໃສ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນເສີມຂະຫຍາຍນ້ຳໃຈເພິ່ງຕົນເອງກຸ້ມຕົນ ເອງ, ສ້າງຄວາມເຂັ້ມແຂງດ້ວຍຕົນເອງ, ປັບປຸງສະຖານທີ່ຄ້າຍຄູ, ປົກປັກຮັກສາພາຫະນະເຕັກນິກອຸດສາຫະກຳປ້ອງກັນຊາດໃຫ້ທັນສະໄໝ, ພົວພັນຮ່ວມ ມືກັບເພື່ອນມິດຍຸດທະສາດນຳເອົາບົດຮຽນປະສົບການຂອງເພື່ອນມິດມາພັດທະນາຕົນເອງໃຫ້ນັບມື້ນັບເຂັ້ມແຂງ.
ສະຫາຍ ພົນຕີ ວໍລະສານ ວິລັດດາວົງ ຍັງໃຫ້ຮູ້ຕື່ມອີກວ່າ: ຄຽງຄູ່ກັບການ ໃນການເຊື່ອໝັ້ນມອບໝາຍໜ້າທີ່ທາງດ້ານການເມືອງອັນໜັກໜ່ວງ ທີ່ມີ
ກຽດສະຫງ່າໃນສະພາບການໃໝ່ນີ້, ຖັນແຖວພະນັກງານ, ສະມາຊິກພັກ-ນັກຮົບປະຕິວັດກຳລັງປ້ອງກັນຊາດ, ຈະສືບຕໍ່ຍຶດໝັ້ນພາຍໃຕ້ການນຳພາໂດຍກົງ,
ເດັດຂາດ, ຮອບດ້ານຂອງພັກຢ່າງສະເໝີຕົ້ນສະເໝີປາຍ. ຄະນະນຳກະຊວງປ້ອງກັນປະເທດ ກົມໃຫຍ່ການ ເມືອງກອງທັບຈະສຸມໃສ່ວຽກງານພັກ-ວຽກງານ
ການ ເມືອງນຳພາແນວຄິດຢ່າງເຂັ້ມແຂງ, ກຳແໜ້ນ ແລະ ປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮ້ອບດ້ານ ດ້ວຍການຈັດ
ຕັ້ງປັບປຸງກໍ່ສ້າງກຳລັງຕົນເອງຢ່າງບໍ່ຢຸດຢັ້ງ, ນຳພາອົບຮົມ-ຫັດແອບຍຸດທະວິທີ, ເຫຼົ່າຮົບວິຊາສະເພາະ, ສ້າງຄວາມຊຳນານໃນການນຳໃຊ້ອາວຸດອຸປະກອນ,
ພາຫະນະທີ່ທັນສະໄໝໃຫ້ສົມກັບເປັນເຄື່ອງມືອັນແຫຼມຄົມທີ່ໄວ້ວາງໃຈຂອງພັກຂອງປະຊາຊົນບັນດາເຜົ່າ, ມີຄວາມສາມາດກຽມພ້ອມສູ້ຮົບ ແລະ ສູ້ຮົບມີ
ໄຊໃນທຸກສະຖານະການ, ຮັບປະກັນໃນການປົກປັກຮັກສາອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດໄວ້ໃຫ້ໝັ້ນຄົງ. ຕັ້ງໜ້າສຸມໃສ່
ການຫັນ ລົງກໍ່ສ້າງຮາກຖານການເມືອງໃຫ້ເຂັ້ມແຂງ, ຍົກສູງສະຕິລະວັງຕົວ, ເປັນເຈົ້າການໃນການຕອບຕ້ານການບິດເບືອນຂອງກຸ່ມຄົນບໍ່ດີ, ແກ້ໄຂປະ
ກົດການ ຫຍໍ້ທໍ້ຂອງສັງຄົມໃຫ້ມີຄວາມສະຫງົບ, ປອດໄພ, ສ້າງເງື່ອນໄຂອຳນວຍຄວາມສະດວກໃຫ້ແກ່ປະເທດຊາດໄດ້ຮັບການພັດທະນາເສດຖະກິດມັ່ງ
ຄັ່ງເຂັ້ມແຂງ, ສຶກສາອົບຮົມໃຫ້ພະນັກງານ-ສະມາຊິກພັກ ສືບທອດຮຽນຮູ້ ແລະ ເສີມຂະຫຍາຍມູນເຊື້ອທາດແທ້ອັນດີງາມຂອງພັກ, ຮັບປະກັນຄວາມ
ໜັກແໜ້ນ ທາງດ້ານການເມືອງ-ແນວຄິດ, ມີຄວາມບໍລິສຸດຜຸດຜ່ອງ ຈົ່ງຮັກພັກດີຕໍ່ລັດທິມາກ-ເລນິນເດີນຕາມແນວຄິດຂອງປະທານ ໄກສອນ ພົມວິ
ຫານ ເພື່ອກ້າວສູ່ຈຸດໝາຍສັງຄົມນິຍົມ.
ແຫຼ່ງທີ່ມາ:ໜັງສືພິມກອງທັບ
ວັນທີ 17/03/2023